Sulmuesi holandez, Robin van Persie, ka kompletuar transferimin e tij në Feyenord.

Van Persie është rikthyer në Feyenord, klub nga i cili ishte larguar para 14 vitesh për Arsenalin.

Sulmuesi holandez kishte filluar karrierën në këtë klub, duke dalur nga akademia e klubit, për t’u transferuar më pas në Arsenal, Manchester United dhe Fenerbahce.

Persie humbi vendin e tij në gjigantin turk dhevendosi të rikthehet në shtëpi të premten e kaluar, duke nënshkruar kontratë me klubin holandez.

Ai ka postuar në Twitter një fotografi me hashtagun #RVPporikthehetnështëpi.

Po ashtu llogaria zyrtare e Feyenordit në Twitter, ka postuar disa fotografi të RVP me veturën e tij Range Rover, duke shkuar drejt zyreve të klubit.

Pasi e parkoi, Van Persie shkoi në drejtim të zyreve për të përfunduar rikthimin e tij në futbollin holandez.

Van Persie ishte larguar nga Feyenordi si 16 vjeçar në vitin 2004 për në Arsenal, klub me të cilin u paraqitë në 278 ndeshje duke shënuar 132 gola.

Më pas, ai u transferua në Manchester Unied në vitin 2013 për të fituar titullin e Premierligës me ‘djajtë e kuq’ dhe ishte golashënuesi më i mirë i ligës me 26 gola. /arbresh.info/